Bwrdd Cyflogaeth a Sgiliau Cymru (WESB)

Cafodd Bwrdd Cyflogaeth a Sgiliau Cymru (WESB) ei greu er mwyn sbarduno'r broses o roi ar waith y strategaeth a'r cynllun gweithredu sgiliau a chyflogaeth Sgiliau sy'n Gweithio i Gymru. Cafodd Bwrdd Cyflogaeth a Sgiliau Cymru ei greu er mwyn:

• cryfhau llais y cyflogwyr o ran sgiliau yng Nghymru;
• rhoi cyngor arbenigol i Weinidogion Cymru; a
• helpu Cymru i ddatblygu economi sgiliau uchel sy'n cynnig cyfle i bawb.

Cadeirydd y Bwrdd Cyflogaeth a Sgiliau yw Syr Adrian Webb. Ef hefyd yw Comisiynydd Cymru ar Gomisiwn y DU dros Gyflogaeth a Sgiliau, sydd â chylch gwaith i herio'n egnïol ac yn annibynnol ar draws gwledydd Prydain, gan roi cyngor i'r Llywodraeth ar ei strategaeth, targedau a pholisïau o ran cyflogaeth a sgiliau.

Mae Bwrdd Cyflogaeth a Sgiliau Cymru yn disodli dau banel cynghori: sef Panel Cynghori ar Gyflogaeth Cymru a'r Cydbanel Cynghori ar Sgiliau.

I gael mwy o wybodaeth ewch i dudalen Bwrdd Cyflogaeth a Sgiliau Cymru ar y we.