Arolwg Sgilau SDC 1998

Mae Arolwg Sgiliau Generig 1998 Sgiliau Dyfodol Cymru 1998 yn arolwg o 6,000 o unigolion a 6,000 o gyflogwyr, a ddewisiwyd ar hap ledled Cymru ac y cysylltwyd â hwy ym 1998.

Fel yr awgryma’r enw, mae’r arolwg yn canolbwyntio ar sgiliau generig yn hytrach na sgiliau penodol i swyddi. Mae hwn yn fesur pwysig am ei fod yn ymwneud â sgiliau y mae eu hangen ar draws y rhan fwyaf, neu mewn rhai achosion, yr holl alwedigaethau. Mae angen i’r sgiliau hyn fod ar gael i  gyflogwyr ac unigolion yng Nghymru er mwyn eu datblygu mewn sefydliadau a gyrfaoedd fel ei gilydd yn y blynyddoedd i ddod.

Mae’r adroddiadau hyn yn cynnwys gwybodaeth am:

• Anghenion cyflogwyr yn y presennol a’r dyfodol o ran sgiliau generig, ynghyd ag agweddau tuag at buddsoddi mewn datblygiad sgiliau
• Arferion ac anawsterau o ran recriwtio
• Cyflenwad sgiliau yn y presennol a’r dyfodol
• Rhwystrau i gymryd rhan mewn dysgu
• Diffyg cyd-fynd rhwng y cyflenwad a’r galw am sgiliau, swyddi gwag sy’n anodd eu llenwi, prinder a bylchau o ran sgiliau
• Cymhariaeth â bylchau a phrinder yng ngwledydd eraill y DU

Adroddiadau Rhanbarthol

Yn ogystal â’r crynodeb a’r prif adroddiad, gwelir yr adroddiadau isod mewn perthynas â’r pedwar rhanbarth economaidd yng Nghymru.

Adroddiadau’r Sectorau

Nod adroddiadau’r sectorau yw ehangu ac ategu’r gwaith a ddechreuwyd gan brosiect Sgiliau Dyfodol Cymru 1998, sy’n rhagweld anghenion sgiliau generig y dyfodol ledled Cymru gan ddefnyddio rhagolygon a data arolygon.

Mae’r adroddiadau hyn yn ychwanegu astudiaethau o anghenion sgiliau galwedigaethol o fewn sectorau allweddol yng Nghymru. Mae astudiaeth pob sector yn seiliedig ar ymchwil a thrafodaethau desg gydag unigolion allweddol, cyfweliadau ansoddol gydag ymarferwyr a chyflogwyr, a’r nod yw rhoi golwg gyffredinol o’r sector, y materion sgiliau a’r camau cyfredol a phosibl i gryfhau’r sector ymhellach. Mae busnesau a chyflogeion ym mhob sector a astudiwyd wedi cael llwyddiant mawr; dyna pam fod y sectorau hyn wedi dod yn bwysig i Gymru. Ni ddylai canolbwyntio ar faterion sgiliau cyfredol fychanu’r cyflawniadau hyn na phenderfyniad pawb i fodloni’r heriau yn y presennol a’r dyfodol.

Ategir pob un o’r adroddiadau sector unigol gan adroddiad ar faterion sgiliau rheoli a thechnoleg gwybodaeth ar draws y sectorau a astudiwyd, ac adolygir y sefyllfa ym mhob sector gan dynnu allan themâu a goblygiadau cyffredin.